0
Sunday 4 January 2015 - 10:28

Paris və Berlin Avropa Birliyini çökdürür

Story Code : 430162
Paris və Berlin Avropa Birliyini çökdürür
Axar.az RİA Novosti-yə istinadla xəbər verir ki, bu barədə “Röyter”in şərhçisi Pyer Brianson yazıb. Jurnalistin fikrincə, Berlin və Paris iştirakçı ölkələrin ümidlərini doğrulamaq üçün AB-nin yenilənməsi və islah ediləsi naminə əməkdaşlıqlarını yoluna qoymalıdırlar. Brianson yazır ki, Avropa Birliyi – hər şeydən əvvəl siyasi birlikdir və əgər əsas oyunçular ona olan inamı itirsələr və ya yalnız öz problemlərinin həlli ilə məşğul olsalar, o, təhlükə altında qalar.
Almaniyanın dəstəklədiyi iqtisadi tədbirlər Avrozanadakı böhranla əlaqədar büdcə xərclərinin azaldılmasını nəzərdə tutur. Avropa Birliyinin bəzi ölkələri, xüsusilə də Fransa və İtaliya belə büdcə siyasətini sərt adlandırır və dövlət xərclərini artırmağa tərəfdar çıxırlar. 
Əsas Avropa oyunçularının qarşılaşdığı mühüm prolemlərdən biri də etibar, daha doğrusu, etibarın olmaması məsələsidir. Jurnalistin fikrincə, Almaniya Fransanın ağıllı iqtisadi siyasətinə can atmasına inanmır, Fransa da öz növbəsində ehtiyat edir ki, Almaniya Avropa Birliyi layihəsinə marağını itirib.
Comment