İran dollardan imtina etdi

Publika.az-ın məlumatına görə, bu barədə İran Mərkəzi Bankının Köməkçisi Qulaməli Kambay açıqlama verib.

O bildirib ki, bundan sonra xarici ölkələrlə edilən ticarət zamanı həmin ölkələrin valyutasından istifadə ediləcək.

“İran artıq ticarət və maliyyə işlərində Türk lirəsi, Çin Yuanı, Rus Rublu, Cənubi Koreya Vonu və avrodan istifadə ediləcək” - deyə Q.Kambay bildirib.

Kambay İranın bəzi ölkələrlə "valyuta mübadilə razılaşmaları" etməyi planladığını da dilə gətirərək, söz mövzusu müqavilələrin İran və digər ölkələr arasındakı ticarət və iqtisadi əməliyyatları asanlaşdıracağını ifadə edib.

İranın ən böyük ticarət ortağı olan Çinlə neft ticarətində 2012-ci ildən bəri dollar əvəzinə Çin yuanı istifadə edilir. İranın Neft naziri Biçən Namdar digər ticarət ortaqları ilə ticarətdə dollardan imtina edəcəklərini deyib. O, sentyabr ayında Tehranda İran-Rusiya 11-ci İqtisadi Toplantısında Rusiya ilə ticarətdə rubl işlədilməsi razılığına gəldiklərini bildirib.

O, artıq Türkiyə ilə də bu məsələdə danışıqlar aparıldığı bildirilib.