Islam Times - NATO Əfqanıstanda 18 nəfərin həyatına son qoydu

IslamTimes - NATO-nun Əfqanıstandakı işğalçı qüvvələrinə məxsus qırıcı təyyarələrin Əfqanıstanın Qilmend əyalətini bombardman etməsi nəticəsində 18 nəfər həlak olub.

NATO iddia edir ki, onların hava zərbəsinin əsas hədəfində terrorçu “Taliban” qüvvələri olub. Lakin yerli və hakimiyyət mənbələri bildirir ki, avia-zərbələrin əsas qurbanları dinc sakinlər olub.
Əfqanıstan hakimiyyətinin məlumatına görə, bu il ərzində 1300-dən çox dinc sakin işğalçı qüvvələrin apardıqları əməliyyatların qurbanları olub. BMT-nin son hesabatında isə, burada işğalçı əməliyyatlar nəticəsində dinc insanların həlak olması hallarının 31% artdığı bildirilir. /Deyerler/