Islam Times - Obamanın ən böyük səhvi

IslamTimes - ABŞ Asiya-Sakit okeanı regionunda çox ciddi problemlərlə üzləşəcək

"ABŞ-ın yürütdüyü siyasət Rusiyanın Çinlə yaxınlaşmasına səbəb olur. Bu isə ABŞ-ın maraqlarına çox ciddi təsir edir".
ANS PRESS-in məlumatına görə, bu barədə Temple universitetinin əməkdaşı Ceyms Braun The Diplomat jurnalına dərc edilən məqaləsində yazır.
Politoloq hesab edir ki, Obamanın hazırda yürütdüyü siyasət ABŞ-ın uzunmüddətli strateji maraqlarına qarşı yönəlib. Rusiyaya qarşı tətbiq edilən sanksiyaların və ABŞ-ın Ukraynanın silahlandıracağı ilə bağlı etdiyi hədələr rəsmi Moskvaanın Çin ilə sıx əlaqələr qurmasına səbəb oldu. Bir növ bu iki ölkə bir məqsəd uğrunda birləşdi.
Politoloq qeyd edir ki, Rusiya və Çinin iqtisadi, siyasi və hərbi sahədə sıx əməkdaşlığı ABŞ-a Asiya-Sakit okeanı regionunda çox ciddi problemlər yaradacaq. Ceyms Braun Obamanın hazırki siyasətini onun ən böyük səhvi kimi qiymətləndirib.