QR Code

Ərdoğandan "WikiLeaks"-ə cavab

2 Dec 2010 18:42

IslamTimes - "Mənim İsveçrə banklarında qəpiyim belə yoxdur. Mənim ünvanıma səslənən böhtanlar təsdiqlənərsə, mən dərhal öz vəzifəmi tərk edəcəyəm"

Türkiyənin Baş naziri Rəcəb Tayyib Ərdoğan çərşənbə günü Ankaradakı çıxışı zamanı "WikiLeaks" internet resursunun dərc etdiyi sənədlərdə ona aid edilən məlumatların təsdiq ediləcəyi təqdirdə, istefaya gedəcəyinə söz verib. Məlumatı CNN Türk telekanalı yayıb.
"WikiLeaks"in yerləşdirdiyi 250 mindən çox sənədin səkkiz minə yaxın faylı ABŞ diplomatlarının Türkiyədəki yazışmalarıdır. Yazışmalarda Ərdoğanın İsveçrənin səkkiz bankında hesabı olduğu bildirilir.
"Mənim İsveçrə banklarında qəpiyim belə yoxdur. Mənim ünvanıma səslənən böhtanlar təsdiqlənərsə, mən dərhal öz vəzifəmi tərk edəcəyəm", - Türkiyənin Baş naziri Ankaradakı çıxışında bildirib.
Ərdoğan ABŞ hakimiyyətini diplomatlarından önun ünvanına və Türkiyəyə qarşı səslənən böhtanlar haqqında soruşmağa çağırıb.

Story Code: 45743