Islam Times - İŞİD-ə qoşulmağa gedən 4 azərbaycanlı tutuldu

IslamTimes - Türkiyə-Suriya sərhədinin Kilis şəhərində İŞİD terror qruplaşmasına qoşulmağı planlaşdıran və əsasən qadınlardan ibarət 18 nəfərlik qrup saxlanılıb.

Modern.az xarici KİV-ə istinadən verdiyi xəbərə görə, saxlanılanlardan 13-nün Rusiya, 4-nün isə Azərbaycan vətəndaşı olması müəyyənləşdirilib.
Aralarında 6 qadın, 8 uşaq və 4 kişinin olduğu qrup Türkiyə hərbçiləri tərəfindən saxlanılaraq deportasiya olunmaq üçün saxlanma düşərgəsinə göndəriliblər.
İŞİD-ə qoşulmağı planlaşdıran qrup üzvlərinin saxlanmasına səbəb onların sıralarında Moskva Dövlət Universitetinin tarix fakültəsini 19 yaşlı tələbəsi Varvara Karaulovanın olmasıdır.
Belə ki, tələbə qızının itkin düşməsindən xəbər tutan Pavel Karaulov İstanbula gedərək bununla bağlı hüquq-mühafizə orqanlarına müraciət edib. Saxlanılan 4 Azərbaycan vətəndaşının bu vaxta qədər axtarışda olmadıqları da məlum olub.