QR Code

Suriya kürd batalyonları İŞİD-in “paytaxtı”nın 50 km-liyinə çatıb!

Nur.az , 24 Jun 2015 16:05

Islamtimes - Koalisiyanın hava qüvvələrinin himayəsi altında vuruşan kürd qoşunları ötən gün ərzində bir sutkalıq döyüşlərdən sonra İŞİD tərəfindən işğal edilmiş Suriyanın şimalında yerləşən dövlət qoşunlarına məxsus 93-cü briqadanın düşərgəsini yenidən geri alıblar.

Terrorist qrupları tərəfindən Suriyanın bir çox şimal bölgələri işğal edilən zamandan Riqqə şəhəri onların xilafət paytaxtı hesab edilirmiş. Artıq kürd qoşunlarının həmin vilayətin cənubuna doğru irəliləyərək İŞİD-in strateji əhəmiyyətə malik düşərgələrinin yerləşdiyi “Eyn əl-İsa” məntəqəsinə yaxınlaşması tezliklə onların paytaxtını ciddi təhdidlə qarşı-qarşıya qoyacaq.
Riqqə vilayətində kürdlərin belə sürətli irəliləyişi neçə aylar ərzində həmin ərazilərdə cövlan edən İŞİD-ə mənsub əhali və ailələri qaçaraq paytaxta – Riqqə şəhərinə toplaşmağa vadar edib. Bu hal yerli məntəqə əhalisinin sevincinə və Qərbin nisbi razılığına bais olsa da, amma İraqda yaranan kürd muxtar vilayətinə bənzər bir məntəqənin yenidən öz sərhədləri kənarında formalaşa bilməyindən ciddi təhlükə hiss edən neçə milyonluq kürd vətəndaşına malik Türkiyəni narahat edir və heç vaxt bu məsələ ilə razılaşmayıb və razılaşmayacaq.

Story Code: 468881