Rusiya prezidenti Dmitri Medvedyev və Hindistanın baş naziri Manmohan Singh Dehlidə görüş zamanı yeni döyüş təyyarəsinin düzəldilməsinə dair müqavilə imzalayıblar. APA-nın bbc.com saytına istinadən verdiyi xəbərə görə, müqavilə Rusiyaya 30 milyard dollara başa gələcək. Hindistan Çindən gələ biləcək təhlükələrin qarşısını almaq üçün öz hava qüvvələrini müasirləşdirmək istəyir. Hindistan öz silahlarını əsasən Rusiyadan alır. Rusiya və Hindistan Soyuq Müharibə dövrünün müttəfiqləridir.