Avropa İttifaqı (Aİ) silah-sursat və hərbi texnikanın Çinə ixracı ilə bağlı 1989-cu ildə qoyduğu embarqonu bu il aradan qaldırmağı nəzərdə tutub. APA-nın Rusiya mətbuatına istinadən verdiyi məlumata görə, bu barədə təkliflər paketi Aİ-nin Xarici Məsələlər üzrə Ali Komissarı Ketrin Eşton tərəfindən hazırlanıb. Təklifin qəbul olunacağı və embarqonun Çinin üzərindən nə zaman götürüləcəyi isə hələlik açıqlanmayıb. Lakin yanvarın ortalarında Aİ-yə üzv olan ölkələrin xarici işlər nazirlərinin görüşündə təkliflər paketinə baxılması nəzərdə tutulub.