Islam Times - Moskvada terror aktının qarşısı alındı

İslamtimes - Rusiya təhlükəsizlik qüvvələri Moskvada planlaşdırılan terror hücumunun qarşısını alıb.

Moskvada terror hücumları planlaşdıran 10 nəfəri tutduqlarını açıqlayan təhlükəsizlik qüvvələri, bu şəxslərin hərəkət etdiyi istiqamətlərdən 5 kiloqram TNT tipli partlayıcı maddə də aşkarladıqlarını bildiriblər.

Hüquq mühafizə orqanları Moskvada mənzillərin birində terror aktının təşkilində şübhəli bilinən 10 nəfəri saxlayıb. Onların əksəriyyəti Orta Asiya ölkələrinin vətəndaşlarıdır.

Həmçinin terrora hazırlığa görə 15 nəfər saxlanılıb. Onlardan 12-i Şımalı Qafqazdandı (o cümlədən Çeçenistandan), 3 nəfər isə Suriya vətəndaşıdır.

Saxlanılanların əksəriyyəti İŞİD üzvüdür və onların Suriyada İŞİD tərəfindən vuruşduğu ehtimal edilir.