"Wikileaks" internet saytı İsraillə bağlı sənədləri yaymağa davam edir. Açıqlanan son sənədlərdə İsrailin İranın raket hücumlarından narahat olduğu bildirilir. 2009-cu il tarixli sənədə görə, İsrail Silahlı Qüvvələrinin Baş Qərargah rəisi Qabi Eşkenazi bu narahatlığını Təl-Əvivə səfər edən ABŞ Konqresinin üzvlərinə çatdırıb. Eşkenazi İranın "Şəhab 3" raketlərinin İsraili vura biləcək səviyyədə olduğunu, 1 milyon israillinin İran təhdidi ilə qarşı-qarşıya olduğunu söyləyib.