0
Monday 30 November 2015 - 21:10

Bu gün terrorizm sizin və bizim müştərək dərdimizdir!

Story Code : 501653
Bu gün terrorizm sizin və bizim müştərək dərdimizdir!
Ayətullah Xamenei qərb ölkələrindəki bütün gənclərə məktubunda Fransada acı terror hadisələrini həmfikirlik üçün zəminə adlandırıb. Cənab Rəhbər bəzi super güclərin İslam dünyasında terroru himayə etməsini, İsraildə dövlət terrorunu dəstəkləməsini, son illərdə İslam məmləkətlərinə ağır xəsarətlər vuran hərbi təcavüzlərini yada salaraq gənclərə müraciətlə xatırladıb: “Mən siz gənclərə müraciət edirəm ki, düzgün və dərin bir baxış, acı təcrübələrdən istifadə etməklə İslam dünyası ilə düzgün və ləyaqətli bir anlaşmanın əsaslarını qoyasınız.”
 
Cənab Rəhbər Ayətullah Xameneinin məktubunun tam mətni
 
Bismillahir-rəhmanir-rəhim
Qərb ölkələrində bütün gənclərə!
Kor terrorun Fransada ərsəyə gətirdiyi acı hadisələr məni növbəti dəfə siz gənclərə müraciət ünvanlamağa sövq etdi. Təəssüf edirəm ki, məhz belə hadisələr müraciət üçün zəmin olur. Amma həqiqət budur ki, əgər ağrılı məsələlər çıxış yolu tapmaq üçün zəmin, həmfikirlik üçün stimul olmasa, xəsarət ikiqat olar. Dünyanın istənilən nöqtəsində hər bir insanın ağrısı onun həmnövləri üçün üzücüdür. Bir körpənin əzizlərinin gözü qarşısında can verməsi, ailənin sevincini yasa çevirən ana faciəsi, ərin öz həyat yoldaşının cəsədini qaçaraq aparması, bir insanın bir neçə an sonra həyatının başa çatacağını bilmədən ətrafı seyr etməsi səhnələri insan hisslərinə, duyğularına təsirsiz ötüb-keçən səhnələr deyil. Kim sevgi və insanlıqdan pay alıbsa, bu səhnələri gördükdə təsirlənir, üzülür. Fərqi yoxdur bu hadisə Fransada, Fələstində, İraqda, Livanda ya Suriyada baş verib. Heç şübhəsiz, 1,5 milyard müsəlman bu hissi yaşayır. Onlar belə hadisəni planlaşdıran və həyata keçirənlərə nifrət edirlər. Mühüm olan budur ki, bugünkü ağrılar daha yaxşı və təhlükəsiz sabahı qurmağa səbəb olmasa, yalnız acı və səmərəsiz xatirələrə çevriləcək. Əqidəm budur ki, yalnız siz gənclər bugünkü acı hadisələrdən ibrət götürməklə yeni gələcəyi qurmaq üçün yollar açmağa, qərbi hazırki duruma gətirmiş azğınlıqlar qarşısında dayanmağa qadirsiniz.
Terror bu gün sizin və bizim müştərək prolemimizsə də, son hadisələrdə yaşadığınız təhlükə və iztirablarla İraq, Yəmən, Suriya, Əfqanıstan xalqlarının uzun illər çəkdiyi əzab arasında iki mühüm fərq var. Əvvəla, İslam dünyası daha geniş miqyasda, daha ağır və çox uzun bir zaman qorxu və dəhşət, amansızlığın qurbanı olub. İkincisi, çox təəssüf bu cinayətlər daim bəzi super güclər tərəfindən müxtəlif və təsirli formalarda dəstəklənib. Bu gün Amerika Birləşmiş Ştatlarının Əl-Qaidəni, Talibanı və onların ardıcıllarını yaratması, gücləndirməsi, silahlandırmasından az insan xəbərsizdir. Təkfirçi terrorun aşkar və tanınmış hamilərinin bu birbaşa dəstəyi kənarında ən geri qalmış siyasi quruluşlar qərbin müttəfiqləri sırasında yer tutub. Eyni zamanda regionun demokratiya sahəsində ən öncül, aydın düşüncələri amansızlıqla zərbəyə məruz qalır. İslam dünyasında oyanış hərəkatına ikili münasibət qərb siysətindəki açıq ziddiyyətlərdəndir.
Bu təzadın digər bir çöhrəsi İsraildə dövlət terrorunun himayəsidir. Məzlum Fələstin xalqı 60 ildən çoxdur ən ağır terrora məruzdur. Avropalılar son bir neçə gündə evlərinə sığınıb cəmiyyətə çıxmaqdan çəkinirsə, fələstinli ailə on illərdir hətta evinin içində sionist rejimin ölüm maşını, dağıntılarından amanda deyil. Bu gün hansı cinayəti amansızlıq baxımından sionist rejimin yeni qəsəbələr salması ilə müqayisə etmək olar?! Öz nüfuzlu müttəfiqləri ya heç olmaya zahirən müstəqil beynəlxalq qurumlar tərəfindən bu günə qədər ciddi məzəmmət görməyən sionist rejim hər gün fələstinlilərin evlərini, bağlarını, əkin sahələrini məhv edir. Fələstinlilərə hətta ev əşyalarını götürməyə, sahədən məhsulu yığmağa macal verilmir. Bütün bu hadisələr adətən dəhşətə gəlmiş, gözüyaşlı fələstinli qadın və uşaqların gözü qarşısında baş verir. Onlar ailə üzvlərinin alçaldılmasına, bəzən dəhşətli işgəncə yerlərinə aparılmasına şahiddirlər. Müasir dünyada bu ağırlıqda, bu miqyasda, bu qədər uzun sürən ikinci bir cinayət varmı?! Yalnız təpədən-dırnağa silahlanmış əsgərə etiraz etdiyi üçün küçənin ortasında bir qadını atəşə tutmaq terror deyil nədir?! Bu vəhşilik işğalçı bir dövlətin hərbi qüvvələri tərəfindən törədildiyi üçün ifratçılıq adalandırılmamalıdır?! Yoxsa bu təsvirlər yalnız 60 il ardıcıl televiziyada müşahidə olunduğu üçün vicdanlarımızı ağrıtmamalıdır?!
Son illərdə İslam məmləkətlərinə hərbi təcavüzlərin saysız qurbanları olub. Bu da qərbin təzadlı məntiq nümunələrindəndir. Təcavüzə məruz qalan ölkələr canlı itki verməklə yanaşı iqtisadiyyat, sənaye infrastrukturlarından məhrum olublar. Onlar aram və fasilələrlə inkişaf etdiyi zaman bəzən birdəfəyə on illər geri düşüblər. Bütün bunlara baxmayaraq onlardan tələb olunur ki, özlərini zülmə məruz qalmış saymasınlar. Necə ola bilər ki, bir ölkəni xaraba qoyasan, şəhər və kəndlərini dağıdasan və deyəsən özünüzü zalmə məruz qalmış hesab etməyin! Faciələrə göz yummağa, onları unutmağa çağırış yerinə səmimi üzrxahlıq yaxşı olmazdı?! Bu illərdə İslam dünyasının təcavüzkarların riyakarlığı və maskalanmasından çəkdiyi əzab maddi xəsarətlərdən az olmayıb.
Əziz gənclər! Ümid edirəm siz indi ya gələcəkdə bu hiylə və yalan bulaşıq təsəvvürləri, düşüncəni dəyişəcəksiniz. Bu düşüncənin məharəti uzaq məqsədləri gizləmək, çirkin niyyətləri bəzəməkdir. Məncə, təhlükəsizlik və asayişin yaranmasında ilk mərhələ bu cinayətkar düşüncəni dəyişməkdir. Nə qədər qərb siyasətinə ikili meyarlar hakimdir, nə qədər ki, terror öz güclü hamisinin nəzərində yaxşı və pis terror növlərinə bölünür, nə qədər ki dövlətlərin mənafeləri insani və əxlaqi dəyərlərdən önəmli sayılır, amansılığın, cinayətin köklərini başqa yerdə axtarmaq lazım deyil. Təəssüf ki, bu köklər uzun illər tədricən qərbin ideoloji siyasətlərinin dərinliyinə nüfuz edib və yumşaq və səssiz bir hücum ərsəyə gətirib. Dünyanın bir çox ölkələri qədim və milli mədəniyyəti ilə iftixar edir. Bu mədəniyyətlər tanınıb genişlənməklə yüz illər bəşəriyyəti yetərincə qidalandırıb. İslam dünyası da bu prosesdə istisna edilməyib. Amma müasir dövrdə qərb dünyası yüksək texnologiyalardan istifadə etməklə dünya üzərində assimilyasiyaya cəhd göstərir. Mən qərb mədəniyyətinin başqa xalqlara qəbul etdirilməsini, onların mədəniyyətinin alçaldılmasını səssiz zorakılıq və çox zərərli proses hesab edirəm. Zəngin mədəniyyətlərin, onların möhtərəm dəyərlərinin təhqiri və əvəzlənməsi elə bir şəraitdə baş verir ki, əvəz edəcək mədəniyyətdə canişinlik potensialı, tutumu yoxdur. Məsələn, amansızlıq və yüngül əxlaq çox təəssüf ki qərb mədəniyyətində əsas kriteriyaya çevrilmişdir. Nəticədə bu mədəniyyət hətta öz vətənində nüfuzunu itirmişdir. Əgər biz amansız, yüngül əxlaqlı, mahiyyətsiz mədəniyyət istəmiriksə müqəssirik?! Saxta incəsənət formatında gənclərimizə üz tutmuş sel qarşısında dayanırıqsa günahkarıq?! Mən mədəni dəyərlərin, bağlılıqların əhəmiyyətini inkar etmirəm. Bu bağlılıqlar təbii şəkildə, cəmiyyətə ehtiramla səhnəyə gəlsə, inkişafa səbəb olar və qeyri-münasib, zorla qəbul etdirilən, zərərli bağllıqların qarşısını alar. Tam təəssüflə deməliyəm ki, İŞİD kimi alçaq qruplar belə uğursuz bağlılıqların, yad mədəniyyətlərin bəhrəsidir. Əgər problem həqiqətən əqidədə olsaydı, müstəmləkəçilikdən qabaq da İslam dünyasında belə hadisələr müşahidə edilməli idi. Amma tarix bu müddəanın ziddinə şəhadət verir. Dəqiq tarixi sənədlər aydın göstərir ki, imperializmin ifratçı düşüncə ilə yaxınlığı bədəvi bir qəbilənin qəlbini əsarətə almaqla məntəqədə ifratçılıq toxumu əkdi. Əks-təqdirdə bir insanın qətlini bəşəriyyətin qətli hesab edən ən əxlaqlı və insansevər bir məktəb İŞİD kimi tullantı simasında ortaya çıxa bilərdimi?!
Digər tərəfdən sual yaranır ki, avropada doğulan, həmin fəzada tərbiyə alıb formalaşan insanlar belə qruplara necə cəzb edilib? İnanmaq olarmı ki, insanlar əməliyyat bölgələrinə bir neçə səfərlə belə radikallaşsın, hətta öz həmvətənlərini qətlə yetirsin? Aludə fəzada, qeyri-sağlam mədəniyyətdən bir ömür qidalanmanın təsirini nəzərdən qaçırmamalıyıq. Bu mövzuda aşkar və gizli fəsadları üzə çıxaracaq kompleks araşdırmaya ehtiyac var. Olsun ki sənaye və iqtisadiyyatda çiçəklənmə dövründə insanların rastlaşdığı ədalətsizlik və ayrıseçkiliklər onların qəlbində bir nifrət yaratmışdır və bu nifrət ara-sıra xəstə halda özünü göstərən narazılığa səbəb olmuşdur.
İstənilən halda cəmiyyətinizin üzlüyünü siz yarmalı, düyünləri siz tapmalı və açmalısınız. Çatları dərinləşdirmək əvəzinə doldurmalı, aradan qaldırmalısınız. Terrorla mübarizədə ən böyük səhv çatları artıran tələsik reaksiyalardır. İstənilən emosional və tələsik addım Avropa və Amerikada yaşayan milyonlarla fəal və məsuliyyətli müsəlmanı təcrid edir, həyəcanlandırır. Bu insanlar eyni zamanda əvvəlkindən də çox qanuni haqlarından məhrum olur, ictimai səhnədən uzaqlaşır. Belə tələsik reaksiyalar nəinki problemi həll etmir, hətta çatları dərinləşdirir, kin-küdurəti artırır. Səthi və cavab tədbirləri – xüsusilə qanuni şəkil alanda – mövcud qütbləşməni artırır, gələcək böhranlara yol açır. Bu tədbirlərin başqa təsiri olmur. Əldə edilən məlumatlara görə, bəzi avriopa ölkələrində vətəndaşları müsəlmanlara qarşı casusluğa sövq edən qanunlar tənzimlənib. Belə rəftar zülmdür. Hamımız bilirik ki, zülmün, zorun əks reaksiya doğurmaq xüsiusiyyəti var. Amma müsəlmanlar bu mərhəmətsiliyə layiq deyil. Qərb dünyası əsrlərdir müsəlmanları tanıyır. Qərblilər müsəlman torpaqlarında qonaq olub onların sərvətlərinə göz dikəndə də, ev sahibi olub müsəlmanların düşüncəsindən bəhrələnəndə də, adətən mehribanlıq və səbirdən başqa bir şey görməyiblər. Buna görə siz əziz gənclərə müraciət edirəm ki, düzgün və dərin bir baxış, acı təcrübələrdən istifadə etməklə İslam dünyası ilə düzgün və ləyaqətli bir anlaşmanın əsaslarını qoyasınız. Bu halda yaxın gələcəkdə elə bir bina ucaldacaqsınız ki, öz memarları üzərinə etibarlı kölgə salacaq, onlara təhlükəsizlik və asayiş hərarəti gətirəcək, dünyanı gələcəyə ümid işığı ilə aydınlaşdıracaq.
Seyid Əli Xamenei
8 azər, 1394 (şəmsi)
 
Cənab Rəhbər Ayətullah Xamenei ilk dəfə ötən il bəhmən ayında Fransada terror hadisəsindən sonra Avropa və Şimali Amerika gənclərinə məktub yamışdı. /sizinyol/
Comment