Islam Times - İsrail parçalanmağa doğru

IslamTimes - İsraildə İrana hücumla bağlı ciddi ixtilaf yaranıb. Ölkənin mühüm siyasətçiləri "İrana hücum İsrailin məhvi ilə nəticələnə bilər" deyə bu təklifə qarşı çıxıblar.

"IslamTimes"-ın "FarsNews"-istinadən verdiyi xəbərə əsasən, MOSSAD-ın sabiq rəhbəri Meir Daqan 8 illik sükutdan sonra nəhayət ki, İrana qarşı mümkün hücumun xoşagəlməz aqibətindən danışıb. Meir Daqandan öncə də bir neçə İsrail rəsmisi İrana hücumun xam xəyal olduğunu açıqlamışdı. Amma hazırda bütün nəzərlər İsrail Silahlı Qüvvələrinin Baş Qərargah rəisi Qabi Eşkenaziyə yönəlib. Belə ki, ötən gün Haartez qəzeti İsrailin müdafiə naziri Ehud Barakın "İranın nüvə təsisatlarına hücum edək" təklifindən sonra Qabi Eşkenazinin Ehud Barakı sərt tənqid etdiyi yazıb.
Bundan əlavə Hillari Klintonun da İrana hücum təklifinə etiraz etdiyi bildirilir. Klinton İsrail rəsmilərinə müraciətlə deyib: “İrana qarşı sanksiyalara bir az da vaxt vermək daha yaxşı olar.”