İraq ordusu Mosulun yaxınlığındakı Əl-Kayyara qəsəbəsini mühasirəyə aldı
Story Code : 562604
Deyerler.org Anadolu-ya istinadən xəbər verir ki, İraq ordusunda rəsmisi polkovnik Əmin Şeyhani belə bir açıqlama verib: "Kayyara qəsəbəsi qüvvələrimiz tərəfindən tamamilə mühasirəyə alındı və qəsəbə mərkəzindəki İŞİD hədəfləri ağır silahlarla vurulur".
O, qəsəbə mərkəzinə gedən bütün yolların təhlükəsizlik qüvvələri tərəfindən nəzarət altına aldığını bildirib. Polkovnik qəsəbədəki yaraqlıların başqa bir əraziyə qaçmalarının qeyri-mümkün olduğunu vurğulayıb.
Mosulun şəhər mərkəzindən təxminən 60 kilometr məsafədə yerləşən qəsəbənin mühasirəsi üçün ətrafındakı təxminən 20 kənd mərhələli bir şəkildə fərqli tarixlərdə işğaldan azad edilib.
"Qəsəbənin mühasirəyə alınmasından sonra, mərkəzə gedən iki əsas yol İraq ordusu tərəfindən nəzarət altına alındı", - deyə o bildirib.