Zərdüşt Əlizadə: “Sionist rejimi qarışıqlıqdan istifadə edib Həmasa və Hizbullaha zərbələr endirir”

Ekspertlərin fikrincə bu fəallığın fonunda rejimin mənfur hədəfləri dayanır. Bu arada, Suriya tərəfi sionist İsrail rejiminin təyyarəsinin vurulduğunu da qeyd edib.

Politoloq Zərdüşt Əlizadə Deyerler.org-la fikirlərini bölüşərkən deyib ki, Suriyada tam ortaq məxrəcə gəlib ümumi bir iş görmək qeyri-mümkündür: “Suriyada müxtəlif ölkələr öz maraqlarını təmin etməyə çalışır. Bu baxımdan Suriyada tam ortaq məxrəcə gəlib ümumi bir iş görmək qeyri-mümkündür. Ümumi problemin hansısa bir hissəsində əməkdaşlıq edilir, amma başqa mərhələsində fikir ayrılıqları yaranır. Ortada isə Suriya dövləti və xalqı qalır. Ölkə kimlərinsə maraqlarının toqquşduğu meydana çevrilib. Suriyaya daxil olan ölkələrin bəziləri Rusiya kimi rəsmi Dəməşqdən icazə ilə iş görür, digəri isə beynəlxalq terrorla mübarizə adı ilə ölkəyə soxulur və maraqlarını təmin edir. Ümumiyyətlə isə hər bir oyunçu öz maraqlarını güdür. Burada sionist İsrail rejiminin də öz maraqları var. Sionist İsrail rejimi Suriyadakı qarışıqlıqdan istifadə edib, Həmasa və Hizbullaha zərbələr endirir”.