Islam Times - Ərəb ölkələrindəki aksiyalar Azərbaycana çəkilir

Aksiya martın 12-nə təyin edilib
Bu gün Müsavat Partiyası Divanının iclası keçirilib.
Partiyanın mətbuat xidmətindən musavat.com-a verilən məlumata görə, Divan martın 12-də ümumrespublika mitinqinin keçirilməsinin məqsədəuyğun olması barədə qərar qəbul edib. Həmçinin qərara alınıb ki, mitinq keçirilməsinə 5 gün qalanadək-martın 7-dək siyasi tərəfdaşlarla müzakirələr aparılsın.
Kütləvi aksiyaların keçirilməsi ilə bağlı Bakı Şəhər İcra Hakimiyyətinə də qanunvericilikdə nəzərdə tutulmuş qaydada aksiyadan 5 gün əvvəl müraciət olunacaq. Mitinq üçün hansı meydanın seçiləcəyi isə İcra Hakimiyyətinə məktub göndərilənədək müəyyənləşdiriləcək. /Musavat/