İsrail bir nömrəli cinayətkar!

İsrail rejimini dünyada insan haqlarını pozanlar siyahısında birinci yerdə vermək lazımdır. Türkiyə Xarici işlər naziri Əhməd Davudoğlu belə bir bəyanatla çıxış edib, - “İslamNyus” xəbər verir.
BMT İnsan Haqları Şurasının toplantısına qatılmazdan öncə jurnalistlərə müsahibə verən Əhməd Davudoğlu bildirib ki, bütün ölkələr insan haqlarının bərabərliyini qəbul etməli və bunlara hörmətlə yanaşmalıdır.
Qeyd edək ki, Şuranın iclasına qatılmaqla bərabər Türkiyə XİN rəhbəri, ABŞ dövlət katibi Hillari Klinton, İranın Xarici işlər naziri Əli Əkbər Salehi və avstriyalı həmkarı Mixael Şpindeleqqer ilə də görüşəcək. /Deyerler/