Klinton Trampdan 1 milyon səs çox yığıbmış

Modern.az xarici KİV-ə istinadən xəbər verir ki, seçkilərdə məğlub olan Hillari Klinton Respublikaçı rəqibi Donald Trampdan 1 milyon səs artıq toplayıb. Belə ki, ən son məlumatlara görə Tramp 60 milyon 981 min 185, Klinton isə 61 milyon 963 min 234 səs toplayıb.

Yuta, Kaliforniya və Vaşinqton ştatlarında səsvermə davam edir. Miçiqan ştatında isə nəticələr hələ açıqlanmayıb.

Səsvermə sisteminin mürəkkəbliyi və çoxşaxəli olması Donald Trampın qalib gəlməsində əsas rolu oynayıb.