Qəzzafi Liviyadan qaçdı

"FaktXeber"-in "Əl-Ərəbiyyə" kanalına istinadən verdiyi məlumata görə, Liviya diktatoru Müəmmar Qəzzafinin ölkəni tərk etməsi barədə məlumat yayılıb. Məlumata görə, Qəzzafinin təyyarəsi artıq Yunanıstana yetişib. Xalqın qiyamından qorxan Qəzzafi, ölkəni tərk edərək Avropaya qaçıb.

Qeyd edək ki, Qəzzafinin qaçması barədə məlumatı bəzi agentliklər dezinformasiya sayıb. Liviyada olan Türkiyə agentliklərinin nümayəndələri, diktatorun ölkədə olduğunu və heç yerə getmədiyini açıqlayıb. "Reuters" agentliyinin məlumatına görə isə, Yunanıstan Xarici İşlər Nazirliyi, Liviyaya aid bir təyyarənin hava limanında gördüklərini, ancaq təyyarənin kimə aid olduqlarının məlum olmadığı açıqlayıb.