Bu gün Fəcr ongünlüyü bayram şənliklərinə start verilib

Maide.Az xəbər verir ki, bu münasibətlə ölkənin hər bir yanında bayram şənlikləri təşkil olunur və bir sıra mərasimlər keçirilir. Bu gündə İmam Xomeyninin (rəh) Mehrabad hava limanından Behişt Zəhraya getdiyi yolda motorsikletçilər parad keçirib, İmam Xomeyninin getdiyi yola vertolyotla güllər səpələnib, yollar güllə bəzədilib, kilsələrin, kinisələr və digər dini məkanlarda zənglər səsləndirilib, gəmilər və qatarları sıqnallar verib.

Bu gün Tehranda İmam Xomeynini tarixdə görünməmiş izdiham qarşılayıb. Tehranın Mehrabad hava limanında qısa çıxışdan sonra İslam İnqilabının şəhidlərini ziyarət etmək üçün Behişte-Zəhra qəbiristanlığına gedib, xalq qarşısında günün məsələlərindən danışıb. İmam Xomeyni İrana qayıdandan 10 gün sonra, 22 Bəhməndə (11 fevral, 1979-cu il) İranda əzəmətli İslam İnqilabı qəti qələbə çalıb.

İmam Xomeyninin (r) İrana döndüyü 12 Bəhməndən inqilabının qələbə çaldığı 22 Bəhmənə qədər İslam İnqilabının "Fəcr dekadası" (Fəcr Ongünlüyü) adlandırılır.

Hər il bu münasibətlə “Fəcr ongünlüyü” bayram şənlikləri İranla yanaşı dünyanın müxtəlif ölkələrində təntənəli qeyd olunur. "Fəcr ongünlüyü" bayram şənlikləri çərçivəsində bəzi ölkələrdə İranın mədəniyyət günlərinin keçirilməsi nəzərdə tutulub.