Azərbaycanda intiharlar getdikcə çoxalır

Azərbaycanın Quba rayonunda 75 yaşlı qadın özünü yandırıb. Hadisə Qubanın Aşağı-xuc kəndində baş verib. Quba rayon Prokurorluğundan APA-ya verilən məlumata görə, kənd sakini Əhmədova Qızxanım Zəki qızı yaşadığı mənzildə üzərinə neft tökərək özünü yandırıb. O təcili olaraq Quba Mərkəzi Rayon Xəstəxanasına çatdırılıb. Müxtəlif dərəcəli yanıq xəsarətləri alan Qızxanım Əhmədovaya tibbi yardım göstərilib.
Faktla bağlı Quba Rayon Prokurorluğunda araşdırma aparılır.