03 İyun 2017 Tbilisidə Heydər Əliyevin memorialını qırmızı rənglə boyadılar
Nur-az.com , 3 Jun 2017 16:20
İslamtimes - İyunun 3-də gecə naməlum şəxslər Gürcüstan paytaxtı Tbilisidə Azərbaycanın sabiq prezidenti Heydər Əliyevin memorialını qırmızı rənglə boyayıb.
Bu barədə “jam-news.net” saytı məlumat yayıb.
Bir neçə gündür Gürcüstan jurnalistləri və fəalları azərbaycanlı jurnalist Əfqan Muxtarlıya dəstək aksiyası keçirirlər.
Jurnalist Əfqan Muxtarlı mayın 29-da axşam Tbilisinin mərkəzindən yoxa çıxıb, amma onun üzərində xarici pasportu olmayıb. Bir neçə saat sonra Muxtarlı Bakıda, istintaq təcridxanasında olub.
Jurnalist Əfqan Muxtarlı 2014-cü ildə Gürcüstana gedib və o, fəaliyyəti dövründə Azərbaycan hakimiyyətindən təzyiqlərə məruz qalıb.
Jurnalist bildirib ki, onu mayın 29-da Tbilisidə gürcü dilində danışam şəxslər saxlayıblar.
Azərbaycan tərəfi Muxtarlının qanunsuz şəkildə üzərində on min avroyla sərhədi keçərkən saxlanıldığını deyir və Gürcüstan hüquq-mühafizə orqnaları bu deyilənləri təkrarlayır.
Jurnalist Cinayət Məcəlləsinin 318.1 və 206.1 maddəsi ilə ittiham edilir. Sərhədi qanunsuz keçmə və qaçaqmalçılıqda ittiham olunur.
Mayın 31-də isə ona qarşı yeni ittiham irəli sürülüb. Jurnalist Cinayət Məcəlləsinin 315.2 maddəsi ilə də təqsirləndirilir.
Səbail Rayon Məhkəməsi mayın 31-də Əfqan Muxtarlı haqda 3 aylıq həbs-qətimkan tədbiri seçib.
Story Code: 642975