Paris NATO-nun Liviyadakı fəaliyyətindən narazıdır

Fransa hesab edir ki, NATO Liviya lideri Müəmmar Qəzzafinin sərəncamında olan ağır hərbi texnika və silah-sursatı məhv etmək üçün lazımi səyləri göstərmir.

Milli.Az BBC-yə istinadən xəbər verir ki, bunu Fransanın xarici işlər naziri Alan Jüppe bildirib. «NATO funksiyasını tam həcmdə həyata keçirməlidir. Aparılan əməliyyatlara baxmayaraq, dinc liviyalıların həyatına hələ də risk var», - deyə o, qeyd edib.