0
Thursday 29 June 2017 - 20:48

Mehman Hüseynov kassasiya şikayəti verib

Story Code : 649483
Mehman Hüseynov kassasiya şikayəti verib
Mehman Hüseynov barəsində hökmdən kassasiya şikayəti verilib.

Bu barədə APA-ya məlumat verən vəkil Elçin Sadıqov deyib ki, kassasiya şikayətində müdafiə etdiyi şəxsin barəsində bəraət hökmünün çıxarılmasını istəyiblər.

Şikayət Ali Məhkəmənin hakimi Əli Seyfəliyevin icraatına verilib. Yaxın günlərdə şikayət üzrə məhkəmə iclası keçiriləcək.

Qeyd edək ki, Nəsimi RPİ-nin rəisi Musa Musayev bloqger M. Hüseynovu xüsusi ittiham qaydasında məhkəməyə verib. O, bloqgerin Cinayət Məcəlləsinin 147.2-ci (böhtan, ağır və ya xüsusilə ağır cinayətdə ittiham etməklə böhtan atma) maddəsi ilə məsuliyyətə cəlb olunmasını və cəzalanmasını istəyib.

Suraxanı Rayon Məhkəməsinin hökmü ilə M. Hüseynov 2 il müddətinə azadlıqdan məhrum edilib. O, məhkəmə zalında həbs olunub. Hökmdən verilən apellyasiya şikayəti təmin edilməyib.
Source : İslamazeri
Comment