Yoxsulluqdan, qəmginlikdən, xəstəlikdən, borcdan qurtulmaq üçün güclü dua
Story Code : 690890
Nəql edilir ki, bir gün Həzrət Peyğəmbər (s) məsciddə əyləşmişdi və Cəbrayil (ə) nazil olur. Deyir: “Ya Rəsulallah! Allah Təala sənə salam deyir və buyurur: “Bu duanı sənə hədiyyə göndərirəm. Hər kim bu duanı oxuyar və ya özü ilə gəzdirərsə, ona o qədər savab verərəm ki, bütün mələklərin savablarına bərabərdir. Allah bütün günahlarını bağışlayar və hər kim bu duanı 5 dəfə oxuyarsa, Peyğəmbərin (s) üzünü yuxuda görər.
Hər yoxsul oxuyarsa, zəngin olar.
Hər xəstə oxuyarsa, şəfa tapar.
Hər ac oxuyarsa, yemək tapar.
Hər susuz oxuyarsa, sirab olar.
Hər qəmgin oxuyarsa, sevinər.
Hər borclu oxuyarsa, borcu əda olar.
Əgər kiminsə hafizəsi olmazsa, bu duanı müşk və zəfəranla yazarsa və yuyub, (suyunu) içərsə, hafizə və dərk sahibi olar.
Əgər bu duanı meyitin kəfəninə yazarsa, Allah Təala mələklərə əmr edər ki, qəbrini aydınlatsınlar”. (Beytutə)
Əgər kimsə bir şeyini itirərsə, dörd rükət namaz qılsın və hər rükətdə “Həmd”dən sonra bir dəfə “Tövhid” surəsini oxusun. Namazdan sonra bu duanı oxusun və sonra səcdəyə gedib hacətini istəsin. İnşəallah ki, itirdiyini tapacaqdır.
Əgər düşmənə oxuyarsa, qalib gələr. Hər mühüm hacət üçün oxusa, yerinə yetər.
Hər kim (buna) şəkk edərsə, kafir olar. İmam Əli (ə) buyurur: “Bu duaya malik olanın Qiyamət günü siması (ay) kimi olar və hesab vermədən behiştə daxil olar”.
Həzrət Peyğəmbər (s) buyurur: “Mənim ümmətim üçün heç bir şey bu duanı oxumaq və onu yanında gəzdirməkdən daha yaxşı deyildir. Hər kimin yanında bu dua olar, əgər ölərsə, Allah 70 min mələyi nur qabları ilə göndərər ki, qəbrini aydınlatsınlar və ona müjdə versinlər ki, Qiyamətə qədər onun munisi olacaqlar”.
Cəbrayil (ə) deyir: “Ey Muhəmməd (s)! Allah buyurur: “Mən o bəndədən xəcalət çəkərəm ki, bu duanı oxuyar və Mən ona əzab verərəm. Bu dua ərşin üzərində qüdrətlə yazılmışdır ki, hər kim onu oxuyarsa və ya özü ilə gəzdirərsə, ərşin altında 70 min mələk dayanar. Hər mələyin 20 başı və hər başın 20 ağızı, hər ağızın 20 dişi vardır və hər dil Allah Təalanı təsbih edər. Bütün bunların savabını da həmin bəndəyə verər. Bütün hacətini yerinə yetirər””.