Namaz insanın ruh və qəlbinin gözəlliyini artırır - Ayətullah Xamenei

Ali Rəhbər Ayətullah Seyid Əli Xamenei 26-cı Ümummilli Namaz Konfransına ünvanladığı müraciətdə namaza dəvət üçün bütün imkan və vasitələrdən istifadə olunmasının zəruriliyini vurğulayıb.

Maide.Az "leader.ir" saytına istinadən Ali Rəhbərin müraciətinin tam mətnini təqdim edir:

"Mərhəmətli və Bağışlayan Allahın adı ilə!

Namaza dəvət, həyatın ən gözəl təzahürünə dəvətdir. Ona görə ki, namaz həyatın bir fəslidir. Həmin fəsldə insan bütün yaxşılıq və gözəlliklərin sahibi və yaradıcısı qarşısında sevgi dolu ehtiyacını bəyan edir. Namaz vasitəsi ilə insan öz ruh və qəlbinin gözəlliyini, eləcə də yaxşılığını artırır.

Quran və hədislərdə namaz və dua üçün tövsiyə olunan genişmiqyaslı və effektiv tövsiyə namaza dəvətdə bu xüsusiyyətin göstəricisidir. Allahın saleh bəndələri bunu özləri üçün ibrət götürməli və namaza dəvət etməlidir.

İslam sistemində mömin məsul şəxslər özlərinin bütün geniş imkanlarını bu dəvət üçün istifadə etməlidir. Ruhani, müəllim, tərbiyəçi, müdir və hər yerdə fəaliyyət göstərən məsul şəxslər öz ətrafındakıları bu istiqamətə yönəltməli, onları Allaha və namaza tərəf dəvət etməlidir.

Siz illik Ümummili Namaz Konfransının təşkilatçıları xüsusi ilə mücahid və ixlaslı alim höccətül-islam cənab Qiraəti, bu böyük ilahi tofiqin qədrini bilin, bu düz xəttdə sabitqədəm olun və bilin – necə ki bilirsiz - Allah səbr edənlər və sabitqədəmlərlədir. “

Seyid Əli Xamenei
21 dekabr 2017-ci il