Mahmud Əhmədinejad Türkiyəyə yollanır

“CNN Türk”ün verdiyi xəbərə görə, birgünlük baş tutacaq səfərin əsas məqsədi İstanbulda keçiriləcək BMT-nin təşkil etdiyi konfransda iştirak etməkdir. İran dövlət başçısı Mahmud Əhmədinejadın Türkiyə rəsmiləri, eləcə də konfransa qatılacaq bəzi ölkələrin lider və təmsilçiləri ilə ikitərəfli görüş keçirəcəyi gözlənilir.

Qeyd edək ki, konfransı İstanbulda 9-13 may tarixlərində keçiriləcək.

Xatırladaq ki, Mahmud Əhmədinejad sonuncu dəfə İstanbula 2010-cu ilin 23 dekabrında “İqtisadi Əməkdaşlıq Təşkilatı Liderlərinin Zirvə Toplantısı” zamanı səfər edib.