0
Friday 8 June 2018 - 02:28

“İsrailin sahib olduğu silahlar İslam vəhdəti qarşısında acizdir”

Story Code : 730276
Eldəniz Quliyev
Eldəniz Quliyev
Mübarək Ramazan ayının son cüməsi ümumdünya “Qüds Günü” kimi qeyd olunur. Zülmkarlığın, haqsızlığın ziddiyyətin mərkəzi olan müqəddəs Qüds şəhər həm də zülmə, haqsızlığa qarşı etiraz simvoludur. Odur ki, dünya müsəlmanları, həmçinin zülmə, ədalətsizliyə, imperializmə etiraz edən hər kəs “Qüds Günü” nü qeyd edir və haqsızlığa qarşı öz etiraz səsini ucaldır.
 
Maide.Az bildirir ki, Beynəlxalq “Qüds Günü” nün əhəmiyyəti haqqında “İslaminSesi” nə danışan Azərbaycan Ziyalılar Birliyinin sədri Eldəniz Quliyev bildirib ki, hər zaman işğal altında olan müqəddəs Qüds şəhərinə və eləcədə əzəli torpağımız olan Dağlıq Qarabağa azadlıq tələb edirlər: “ Təbii ki, torpaq itkisi ağrısını yaşayan bir millətik.  Ona görə də, Qüds ağrısını daha yaxşı hiss edə bilirik. Amma İsrail rejiminin sionist ideologiyası ilə fəaliyyət göstərməsi,  irqçiliyə üstünlük verərək siyasi həyasızlıq etməsi, nədənsə beynəlxalq təşkilatların heç tükünü də tərpətmir. Hətta İslam  Konfransı Təşkilatı da, Fələstində baş verən qanlı hadisələrə adekvat münasibət sərgiləmir”. 
 
Eldəniz Quliyevin sözlərinə görə, “Qüds Günü” vəhdət deməkdir: “  Biz sionist rejiminə, İsrailin siyasi həyasızlığına  dur deməliyik. Bunun isə yolu İslam həmrəyliyindən keçir.  Yaxın keçmişə nəzər salsaq görərik ki, İslam ölkələri bir az da olsa birləşməyə cəhd göstərəndə, o zaman İsrail rejimi təşvişə düşür. Çünki İsrail başa düşür ki, onun sahib olduğu müasir silahlar və ordu İslam vəhdətinin qarşısında acizdir. Düşünürəm ki, vəhdətə doğru atılan hər bir addımı dəstəkləməliyik və özümüzdə buna cəhd etməliyik”.
 
Eldəniz Quliyev qeyd edib ki, Qarabağ və Qüds məsələsini eyni aqibət birləşdirir: “ Birində erməni həyasızlığı, digərində isə sionist riyakarlığı müşahidə olunur. Yəni bu iki rejimin xisləti də bir-birinə yaxındır. Yaxşı ki,  imam Xomeyni “Qüds Günü” nü elan edib. Biz bir günlük “Qüds Günü” nü genişləndirməliyik. Bəşəriyyətə anlatmalıyıq ki, həmrəy olan müsəlman dünyasından qüvvətli heç nə yoxdur”.
Source : Maide
Tagged
qüds
Comment