QR Code
İranda 2017-ci ildə terror aktının təşkilində iştirak edən İŞİD-in 8 üzvü edam olunub
Cinayətdə iştirakı olan digər şəxslər barəsində iş davam etdirilir
Maide , 7 Jul 2018 19:47
İslamtimes - İran parlamentinə və eyni zamanda 2017-ci ilin iyun ayında İslam İnqilabının rəhəri Ruhullah Xomeyninin məqbərəsinə hücumda təqsirli bilinən və ötən ay hökm oxunan 8 İŞİD terrorçusu Tehranda edam edilib.
Maide.Az İran KİV-lərinə istinadən xəbər verir ki, edam olunmuş şəxslər ötən ilin yayında Tehranda törətdikləri terror hücumu ilə yanaşı, silah qaçaqmalçıığı, ölkəyə qanunsuz girməkdə ittiham olunublar.
Edam olunanlarla bağlı yayımlanan məlumatda bildirilir: Cinayətdə iştirakı olan digər şəxslər barəsində iş davam etdirilir.
Xatırladaq ki, qadın geyimində 4 nəfərdən ibarət qrup 2017-ci il iyunun 7-də İran parlamentinin binasında atəş açıb, sonra hücum edənlərdən biri özünü partladıb. Terror aktları nəticəsində 20-ə yaxın adam həyatını itirib, onlarla insan yaralanıb.
İran İnqilab Məhkəməsi bu il mayın 13-də hücumlarla əlaqəli olan 8 İŞİD silahlısı barədə ölüm hökmü çıxarıb. İran Ali Məhkəməsi iyunun 11-də ölüm hökmünü təsdiqləyib.
Story Code: 736335
Islam Times
https://www.islamtimes.org