0
Saturday 7 July 2018 - 19:49

Müsəlman Birliyi Hərəkatı bəyanat yaydı

Story Code : 736337
Müsəlman Birliyi Hərəkatı bəyanat yaydı
Son günlər mətbuatda dolaşan xəbərlər Azərbaycan vətəndaşları olaraq bizləri də narahat etməyə bilmir. Gəncə Şəhri İcra Başçısı Elmar Vəliyev və onun cangüdəninə qarşı silahlı hücum narahtlıq doğuran haldır. Bununla yanaşı İcra Başcısına sui qəsd bir çox məqamlara diqqəti çəkir. Vətəndaş məmur münasibətlərindəki boşluq, kobud rəftar və alçaldıcı rəftar sonunda arzulanmayan bir vəziyyəti sərgiləyib və bu bizdə təəssüf hissi doğurur. Biz Müsəlman Birliyi Hərəkatı olaraq zorakılıq və qarşıdurmanın hər bir halını pisləyir və bunu qəbulolunmaz hesab edirik.

Bu gün mətbudatda DİN, RP və DTX yaydıqları məlumatda İcra başçısına sui-qəsddə adı çəkilən Yunis Səfərovun yaxınlarının Rusiyadan guya Müsəlman Birliyi Hərəkatının adından müraciət edəcəyi xəbəri, eyni halda güya Yunis Səfərovun Tale Bağırzadənin üç uşağını atasız qoyduğu şəxsdən qisas aldığı xəbərinin yayılacağı ilə bağlı xəbər yer alıb.

Biz Müsəlman Birliyi Hərəkatı olaraq birmənalı şәkildә bu xəbəri təkzib edir və bildiririk ki, hərəkatın Yunis Səfərovla hər hansı əlaqəsi yoxdur. Hərəkat həmişə sivil və demokratik mübarizənin tərəfdarı olub və bu gün də bu amalını qorumaqdadır. Biz bir daha bu hadisənin hərəkatla əlaqəsini təkzib edir və bunun Müsəlman Birliyi Hərəkatına bağlanılmasını təxribat hesab edirik.
Müsəlman Birliyi Hərəkatının idarə heyəti.
06 İyul 2018-ci il.
Comment