Islam Times - ABŞ-ın SSRİ-nin məhvinə dair məxfi planları açıqlandı

İslamtimes - Ötən əsrin 60-cı illərində ABŞ hökuməti SSRİ-nin məhv edilməsinə dair plana malik olub.

Virtualaz.org yerli KİV-ə istinadən bildirir ki, bu barədə Corc Vaşinqton universitetinin nəzdindəki “Milli təhlükəsizlik arxivi” qeyri-hökumət təşkilatının saytı xəbər yayıb.

Təşkilatın dərc etdiyi bir sıra sənədlərə əsasən, ABŞ nüvə zərbəsi endiriləcəyi təqdirdə SSRİ və Çini məhv etmək imkanlarını nəzərdən keçirib.

Amerika rəhbərliyi SSRİ şəhərlərində yaşayan əhalinin 71 faizinin öldürülməsini ehtimal edib.

2015-ci ilin dekabrında ABŞ-ın Milli arxivlər və sənədlər idarəsi 1959-cu il üçün Amerikanın atom bombaları üçün potensial hədəflərin siyahısını dərc etmişdi. Siyahıya keçmiş SSRİ-nin yüzlərlə şəhəri daxil edilmişdi.