QR CodeQR Code

Ərdoğandan Trampa ağır zərbə: Ruslar Türkiyədə hərbi-baza quracaq

Islamazeri , 2 Sep 2018 20:30

İslamtimes - RLDP lideri Ərdoğanla olan söhbəti haqda danışıb.


İslamazeri.com-un “Rossiya 24”-ə istinadən verdiyi xəbərə əsasən, Rusiya Liberal Demokratik Partiyasının (RLDP) lideri Vladimir Jirinovskiy hesab edir ki, Rusiya Türkiyə və İranla bu ölkələrin ərazisində Rusiya hərbi-dəniz və hərbi-hava bazalarının yerləşdirilməsi haqda razılığa gəlməlidir.
Dərhal İranda da, Türkiyədə də bizim hərbi-hava, hərbi-dəniz bazalarının (yerləşdirilməsini) tələb etmək lazımdır. O (Türkiyə) hazırdır, mən sizinlə danışdığım kimi, Ərdoğanla da danışmışam. O, Rusiya ilə birlikdə olmaq istəyir, o, sırada qalmaq istəmir, son vaqonla Avropa İttifaqına getmək istəmir. Çünki bizimlə (olduqda) bütün dünya Ərdoğanın kim olduğunu biləcək.”, - deyə Jirinovskiy bildirib.
Xatırladaq ki, Jirinovskiy iyul ayında Rəcəb Tayyib Ərdoğanın şəxsi dəvəti ilə Türkiyə prezidentinin inaqurasiya tədbirində iştirak edib. O zaman, RLDP lideri demişdi ki, onun fikrincə, Türkiyənin cənubunda yerləşən “İncirlik” aviabazası NATO üçün qapadılaraq Rusiyaya verilə bilər.
Xatırladaq ki, son zamanlar Türkiyə ilə ABŞ arasında münasibətlər gərginləşib. Bunun səbəblərindən biri də hələ 2016-cı ildə Türkiyənin həbs etdiyi ABŞ-lı keşiş Endryü Bransondur.
 


Story Code: 747686

News Link :
https://www.islamtimes.org/az/news/747686/ərdoğandan-trampa-ağır-zərbə-ruslar-türkiyədə-hərbi-baza-quracaq

Islam Times
  https://www.islamtimes.org