Türkiyə hüquq-mühafizə orqanlarının ilkin araşdırmasından sonra məlum olub ki, bir qrup dəllal İran dollar bazarından toplanmış yarım milyard dolları ABŞ-da yaşayan yəhudi iranlıların hesabına köçürüb. Türkiyə və İranda dollar böhranı yaratmaqda müqəssir sayılan, Türkiyədən 419 milyon dollar çıxarmış 417 nəfər həbs edilib. 2017-ci ilin yanvar ayında başlamış dollar əməliyyatı 2018-ci ilin avqust ayında pik həddə çatıb. Türkiyə polisi, prokurorluq və məhkəmə orqanları hələ ki, keçirilən əməliyyatlara münasibət açıqlamır. Toplanmış dolların bir hissəsinin Gülən və PKK-çıların hesabına ötürülməsi barədə də xəbərlər var.
