Türkiyədə ərəbistanlı müxalif jurnalistin qətli ilə bağlı qalmaqal böyüyür. Camal Xaşoqci adlı jurnalistin itkin düşməsini Türkiyə asayiş keşikçiləri vaxtında nəzarətə götürmüşdü. Ərəbistanln İstambuldakı konsulluğu isə özünü xəbərsiz kimi aparırdı. Türkiyə polisinə yaxın mənbələr bildirir ki, jurnalistin qətli əvvəlcədən planlaşdırılıb, qətli yerinə yetirmək üçün Riyazdan 15 nəfərlik qrup göndəirilib. Jurnalist işgəncə ilə öldürülüb, öldürüləndən sonra onun əl-ayağı kəsilib. Ona işgəncə verilməsi və onun qətlə yetirilməsi lentə alınaraq Məhəmməd bin Salmana göndərilib.
