Islam Times - Yəmən qüvvələrindən Səudiyyə rejiminə güclü zərbə

İslamtimes- Yəmən ordusu Cizan bölgəsində keçirdiyi son əməliyyatında Səudiyyə rejiminin qüvvələrinə ağır zərbə vurub.

Deyerler.org Əl-Məsirəyə istinadən xəbər verir ki, Yəmənin Silahlı Qüvvələrindən verilən açıqlamada bunlar qeyd olunub: "Səudiyyə rejiminin Cizan bölgəsində Yəmən ordusu ilə inqilabi xalq komitələrinin birlikdə keçirdiyi son əməliyyat nəticəsində bir neçə kənd və hərbi mövqe ələ keçirildi. Bu əməliyyatda Səudiyyə rejimini 3 ədəd kəşfiyyat PUA-sı ilə 3 Abrams tankı məhv edildi, xeyli sayda səudiyyəli əsgər öldürüldü və ya yaralandı".

Bu açıqlamada, son əməliyyatın Səudiyyə rejiminin 8 oktyabr 2016-cı il tarixində paytaxt Sənada bir dəfn mərasimində etdiyi cinayətin 2-ci ildönümü ilə paralel olaraq keçirildiyi qeyd olunub.

2016-cı ildəki hadisədə Səudiyyə rejiminin rəhbərlik etdiyi koalisiyaya məxsus təyyarələr dəfn mərasimi keçirilən bir binanı bombalamışdı. Bu hücumda 140 nəfər həlak olmuş, 525 nəfər yaralanmışdı.