Islam Times - General Kövsəri: Səudiyyəni hədələdi: "Liderləri cavab verməlidir”

Islamtimes - İranın aparıcı komandirlərindən biri Səudiyyə Ərəbistanını Tehrana qarşı ABŞ-ın yeni sanksiyalarına qoşulmaqla tanınmış jurnalisti öldürməsindən diqqəti yayındırmağa çalışmaqda suçlayıb.

“Səudiyyə Ərəbistanı asanlıqla çıxa bilməyəcəyi bir çuxura düşüb. Səudiyyə rəhbərləri səudiyyəli jurnalist Camal Xaşuqcinin Türkiyədəki konsulluqlarında öldürülməsindən dünyanın və regionun diqqətini yayındırmağa çalışırlar”, – İslam İnqilab Keşikçiləri Korpusunun (İİKK) təhlükəsizlik rəhbərinin müavini, briqada generalı İsmayıl Kövsəri oktyabrın 23-də İranın Mehr xəbər agentliyinə deyib.

“Bu cinayətin bu metodlarla asanlıqla silinməyəcəyini bilməlidirlər. Səudiyyə liderləri hərəkətlərinə görə, cavab verməlidirlər”, – Kövsəri deyib.