İran İslam Respublikasının BMT-də səfiri və daimi nümayəndəsi Qulaməli Xoşru Amerikanın birtərəfli və qeyri-qanuni siyasətlərinin beynəlxalq hüquqa, BMT qanunlarına zidd olduğunu bildirib. Cümə günü BMT TŞ-nin iclasında çıxış edən İran nümayəndəsi deyib: Amerikanın bu siyasətləri onun bir çox beynəlxalq təşkilat və öhdəliklərdən, o cümlədən Nüvə Razılaşmasından çıxması ilə nəticələndi. ABŞ Nüvə Razılaşmasından çıxmaqla TŞ-nin 2231-ci qətnaməsini açıq şəkildə pozub. Dünya Amerikanın qarşısında dayanmalı, bu özbaşınalıqlara yol verməməlidir.