Islam Times - Fələstinli əsir 22 ildən sonra azad oldu

Fələstinli əsir Əyyad Əbu Haşim İsrail həbsxanalarında 22 il əsarətdən sonra azad edilib. Əbu Haşim Beyt Hanun keçid məntəqəsindən Qəzzəyə daxil olub və hazırda ailəsinin yanındadır. Bir ay öncə azad edilməsi gözlənilən Əbu Haşimi milli kodu olmaması bəhanəsi ilə bir ay da həbsdə saxlayıblar.
Fələstinli mübariz 1997-ci ildə İsrail polisinin hücumundan müdafiə olunarkən onu yaralamışdı.
Həbslər davam edir. Fələstinli Əsirlər Mərkəzinin hesabatına əsasən, təkcə ötən yanvar ayında 509 fələstinli həbs edilib. Əsirlərdən 89 nəfəri uşaq, 8 nəfəri qadındır. 31 yanvara qədər İsrail həbsxanalarında 5700 fələstinli əsir olub.