Islam Times - Suriyada İŞİD-in əlindəki sonuncu kənddə əməliyyat başladı

İslamtimes - Suriyada İŞİd-in əlindəki sonuncu bölgə olan Bağoza YPG-nin başçılıq etdiyi Demokratik Suriya Qüvvələri (DSQ) tərəfindən əməliyyat başladılıb.

Deyerler.org xəbər verir ki, əməliyyatı DSQ-nin tabeliyindəki xüsusi qüvvələr və ABŞ əsgərləri həyata keçirir.

Sputnik-ə danışan DSQ komandiri Dəmhat Sərəkaniyə bölgədəki İŞİD ilə aralarında güclü qarşıdurmanın baş verdiyini bildirərək, İŞİD-in çox yaxın bir müddətdə Suriyada məhv olacağını söyləyib.

DSQ-nin mətbuat sözçüsü Mustafa Balli də dinc sakin və girovların Bağozdan çıxarılmasından sonra, əməliyyatın başladığını bildirib.

ABŞ-ın rəhbərlik etdiyi koalisiya qüvvələrinin hava və texniki dəstəyi ilə əməliyyatı başlayan DSQ qüvvələri, qısa müddətdə kəndi geri almağı hədəfləyiblər. Kəndin İŞİD-in əlindən alınmasıyla Suriyada İŞİD-in əlində heç bir bölgə qalmayacaq.