Yəməndə Ərəbistan koalisiyası tərəfində dayanan Yəmən Milli Dialoq Konqresinin üzvü Əli Əl-Cübeyri Qətərin Əl-Şərq qəzeti ilə söhbətdə deyib: Biz bir zaman Yəmənin cənubunda koalisiya qüvvələrinin gəlişinə tərəfdar idik. Çünki Hüsilərlə təkbaşına mübarizə apara bilməzdik. İndi isə anlamışıq ki, koalisiya qüvvələri Yəmənə yağlı tikə kimi baxır, bu ölkəni işğal etmək istəyir. Hazırda Əmirliyin terrorizmlə mübarizə adı altında Yəməndə yaratdığı gizli həbsxanalarından birinə gətirilən İŞİD komandirindən Yəməndə istifadə etmək istəyirlər. Əmirlik bu günə qədər 32 tanınmış ruhanini qətlə yetirib. Dörd ildən sonra hamı anlayıb ki, Əmirliyin məqsədi Yəməni məhv etməkdir.
