Bu gün Qayıdış Yürüşündə 45 fələstinli yaralanıb

Bu gün Fələstində 53-cü Qayıdış Yürüşü keçirilib. İşğalçı İsrail hərbçilərinin 45 fələstinlini yaraladığı bildirilir. Bəzi mənbələrdə yaralıların sayı 70 nəfər göstərilib. Müqavimət Cəbhəsi işğal olunmuş torpaqlar tam azad edilənə qədər Qayıdış Yürüşlərinin davam etdiriləcəyini bildirib.
Xatırladaq ki, Qayıdış Yürüşləri ABŞ prezidenti Trampın Qüdsü İsrailin paytaxtı kimi tanımasına etiraz olaraq 2018-ci il 30 mart tarixindən başlayıb və hər cümə keçirilir. Bu günə qədər aksiyalarda 270 fələstinli şəhid olub.