Liviyada üsyançılarla hökumət qüvvələri arasında toqquşuma baş verib
Story Code : 79692
APA-nın voanews.com saytına istinadən verdiyi xəbərə görə, üsyançılar atışma nəticəsində azı 8 adamın həlak olduğunu xəbər verirlər. Bu arada NATO Liviya hökumətinin alyans hava zərbələrinin mülki vətəndaşları hədəf alması haqda iddialarını uydurma adlandırıb. Brüsseldə mətbuat konfransında çıxış edən koalisiya sözçüsü Oana Lungesku bildirib ki, Liviya xalqına sistematik şəkildə və qəddarcasına hücum edən Qəddafi və onun qüvvələridir. Nəzərinizə çatdıraq ki, NATO özü bir neçə dəfə mülki vətəndaşları hədəfə aldığına görə üz istəmişdi. İndi isə bu olayın baş vermədiyini iddia edir. Dünən xalqa ünvanlandığı alovlu audio mesajda Qəzzafi NATO-nu məğlub edəcəyini bildirib.