İsrail rejimi qüvvələri Əqsa məscidinə cümə namazına gedən fələstinlini şəhid edib

Felestin.info "Anadolu Agentliyi"-nə istinadla xəbər verir ki, Fələstin Səhiyyə Nazirliyindən verilən açıqlamaya görə, İsrail əsgərləri işğal altındakı İordan çayının qərb sahilinin cənubunda "Ayırıcı divar"ı keçmək istəyən biri 16, digəri 21 yaşında olan iki fələstinliyə atəş açıb.
İsrail qüvvələri tərəfindən vurulan 16 yaşlı Abdullah Qeys həyatını itirib, qarnından yaralanan 21 yaşlı gəncin də əməliyyat edildiyi bildirilib.

İsrail "Ayırıcı divar"la (Utanc divarı) əhatələnən İordan çayının qərb sahilindən yaşı 40-dan az olan kişilərin Qüdsə daxil olmasına mane olur, blokada altındakı təxminən 2 milyon əhalisi olan Qəzzadan da fələstinlilərin müqəddəs şəhərinə girişinə icazə vermir.