Ənsarullah Səudiyyə rejiminin Cizan aeroportuna PUA ilə hücum etdi
Deyerler , 10 Jun 2019 14:34
Islamtimes - Yəmən ordusu və inqilabi xalq komitələri (Ənsarullah) cənubda Yəmən sərhədinə yaxın yerləşən Səudiyyə rejiminin Cizan aeroportunu Qasif 2K pilotsuz uçuş aparatı (PUA) ilə vurduqlarını açıqlayıb.
Deyerler.org Əl-Məsirəyə istinadən xəbər verir ki, Yəmənin PUA birliyindən verilən məlumata əsasən, Cizan aeroportuna qarşı hava hücumunda Yəməndəki hücumlarda istifadə olunan PUA-lara aid anqarlar hədəfə alınıb.
Sözügedən hücumun Səudiyyə rejiminin rəhbərlik etdiyi koalisiya qüvvələrinin Cizan aeroportunu hərbi bazaya çevirməsindən sonra reallaşdırıldığı bildirilib.
Xəbərdə koalisiya qüvvələrinə aid təyyarələrin Cizan bölgəsindəki Ən-Nar dağına qarşı irəliləməsinin qarşısını almaq üçün təşkil etdiyi iki hava hücumunun uğursuz olduğu qeyd olunub.
Xəbərdə, həmçinin Ən-Nar dağının şərqindəki bölgələrə təşkil olunan hücumda 1 səudiyyəli əsgər ilə 4 muzdlu döyüşçünün öldüyu, silah-sursatlarının da müsadirə edildiyi bildirilib.
Story Code: 798711