Islam Times - Seyid Əmmar Əl-Həkim: “Ali Dini Rəhbər dünyada milyonlarla insanın mənəvi lideridir”

Seyid Əmmar Əl-Həkim: “Ali Dini Rəhbər dünyada milyonlarla insanın mənəvi lideridir”

İslamtimes - İraqın Milli Hikmət Hərəkatının lideri Seyid Əmmar Əl-Həkim ABŞ-a səslənərək, Ali Dini Rəhbər Ayətullahul-üzma Seyid Əli Xameneinin dünya üzrə milyonlarla insanın mənəvi lideri olduğunu deyib.

Deyerler.org Farsnews-a istinadən xəbər verir ki, Seyid Əmmar Əl-Həkim Bağdada gələn ABŞ dövlət katibinin müavini Devid Şinkerlə görüşüb.

Görüşdə Seyid Əmmar Əl-Həkim amerikalı diplomatla İraq və regionda baş verən son prosesləri müzakirə ediblər.

Həkim görüşdə, həmçinin Amerikanın Ali Dini Rəhbər Ayətullahul-üzma Seyid Əli Xameneiyə qarşı sanksiya qərarına toxunaraq, belə deyib: “Bu sanksiya təkcə böyük bir dövlətin liderinə qarşı tətbiq edilmiş bir sanksiya deyil. O, dünya üzrə milyonlarla insanın mənəvi lideridir və bu sanksiya bu insanların hisslərini sarsıtdı, üstəlik böhranın həllinə də heç bir köməyi olmayacaq”.