Islam Times - İran rəsmisi: "ABŞ-ın İrana hücumundan sonra İsrail rejiminin ömrü 30 dəqiqə çəkər"

İran rəsmisi: "ABŞ-ın İrana hücumundan sonra İsrail rejiminin ömrü 30 dəqiqə çəkər"

Islamtimes - İran parlamentinin nüvə işləri komitəsinin rəhbəri Müçtəba Zonnur bəyan edib ki, ABŞ İrana hücum etsə, İslam Respublikası dərhal İsrail rejiminin ərazisinə cavab zərbəsi endirəcək.

Deyerler.org-un "RİA novosti" yə istinadən verdiyi məlumata görə, Zonnur vurğulayıb ki, ABŞ-ın İrana zərbəsindən sonra, İsrail rejiminin ömrü yarım saat çəkəcək.

Bundan əvvəl, ABŞ prezidenti Donald Tramp qeyd etmişdi ki, İrana hücum qərarı verilmişdi, lakin müəyyən səbəblərə görə, hücumun həyata keçirilməsinə 10 dəqiqə qalmış, Tramp hücum qərarını ləğv edib. Zonnurun sözlərinə görə, ABŞ-ın bu qərarı siyasi yalandır.

"ABŞ prezidentinin müşavirləri İranın hərbi gücündən agahdırlar. Onlar çox gözəl bilirdilər ki, İslam Respublikasına hücum məğlubiyyət ilə nəticələnə bilərdi və məhz bu səbəbə görə də Trampın hücum qərarı ləğv olunub. ABŞ-ın regionda mövcud olan 36 hərbi bazaları da İranın tam nəzarəti altındadır", - deyə o, bildirib.