Islam Times - Mossad-ın keçmiş rəhbəri: “İsrail rejimi sülh istəmir”

İslamtimes - İsrail rejiminin Mossad Kəşfiyyat Xidmətinin keçmiş rəhbəri Şabtay Şavit deyib ki, İsrail rejimi sülh istəmir, əgər istəsəydi, xeyli müddət əvvəl Fələstin rəhbərliyi ilə sülh bağlayardı.

Deyerler.org Sputnik-ə istinadən xəbər verir ki, Maariv qəzetinə danışan Şavit, İsrail rejiminin sülh istədiyi təqdirdə, iqtisadiyyat və infrastruktur şərtlərinin hər iki tərəfin maraqlarına xidmət edəcək formada müzakirə edilməli olduğunu bildirib.

Ancaq İsrail rejiminin baş naziri Binyamin Netanyahunun Fələstin rəhbərliyini danışıq tərəfdaşı kimi görmədiyini deyən Şavit, belə danışıb: “Fələstinlilərlə görüşməyən başqa bir İsrail rejiminin başçısını tanıyırsınız?”

Bununla yanaşı, Şavit Netanyahunun Fələstin ilə müzakirəni radikal sağçılardan gələn təzyiq kimi istifadə etdiyini ifadə edib.