Islam Times - Pakistanın baş naziri İran barədə ABŞ-a xəbərdar etdi

İslamtimes - Pakistanın baş naziri İmran Xan ABŞ-a İranla hər cür gərginlik və ya bu ölkəyə hücum barədə xəbərdarlıq edib.

Deyerler.org PressTV-yə istinadən xəbər verir ki, İmran Xan ABŞ-ın İrana mümkün hücumunu xəta kimi xarakterizə edərək, İrana edilən hücumun bölgəni təcavüzkarlar üçün bataqlığa çevirəcəyini bildirib.

Pakistanın baş naziri ABŞ-ın İranı bölgədəki digər ölkələrlə müqayisə etməməli olduğunu qeyd edərək deyib ki, Vaşinqton İrana hücumun nə qədər təhlükəli olduğunu başa düşməlidir.

Pakistanın baş naziri bölgədəki gərginliyi azaltmaq üçün əlindən gələni edəcəyini söyləyib.