Islam Times - Orduda qətl

IslamTimes - Azərbaycan Silahlı Qüvvələrinin hərbi qulluqçusu əsgər yoldaşını öldürüb.

Bu barədə APA-ya Bakı şəhərinin Sabunçu Rayon Hərbi Komissarlığından məlumat verilib. Hadisə Azərbaycan və Ermənistan qoşunlarının təmas xəttində qeydə alınıb. Gəncə şəhərinin Nizami Rayon Hərbi Komissarlığından həqiqi hərbi xidmətə çağırılmış 1992-ci il təvəllüdlü Məmməd Əsəd oğlu Qurbanov döyüş növbəsində olarkən xidməti silahından atəş açıb. Nəticədə Bakının Sabunçu Rayon Hərbi Komissarlığından həqiqi hərbi xidmətə çağırılmış 1988-ci il təvəllüdlü Şirxan Akif oğlu İsgəndərov aldığı güllə yarasından hadisə yerindəcə dünyasını dəyişib. Hadisənin hansı səbəbdən baş verdiyi hələlik bəlli deyil.