İraqla Suriya arasında Bukəmal-Qaim sərhəd keçid məntəqəsinin işə düşməsi hər iki ölkə üçün çox faydalı oldu. Bu hadisə ABŞ-ın regiondakı planlarına da zərbə sayıla bilər. İŞİD ilə mübarizə əməliyyatları səbəbindən keçid 6 il bağlı qalmışdı. 2017-ci ildə Bağdad İŞİD-ın ləğvini elan edəndən sonra sərhəd əraziləri azad olunmuşdu. O zaman Tehran-Bağdad-Dəməşq-Beyrut xəttinin açılışı gündəmə gəldi. Çoxları bu yolu müqavimət cəbhəsinin yolu kimi qəbul edirdi. Bukəmal-Qaim sərhəd keçid məntəqəsinin açılışı strateji qələbə sayılır.
